На денешната седница на Кризниот штаб е донесена одлука да се забранат сите летови од Велика Британија во земјава, објави премиерот Зоран Заев на Фејсбук.
– После најновите информации поврзани со појавата на забрзано ширење на коронавирусот во Велика Британија, на денешниот главен кризен ковид-19 штаб донесовме одлука за забрана за сите летови од Велика Британија во Северна Македонија. Дополнително, се воведува и задолжителна 14-дневна самоизолација за сите патници што по воздушен или копнен пат, директно или индиректно пристигнуваат од Велика Британија во Северна Македонија – напиша Заев.
