Премиерот на Хрватска, Андреј Пленковиќ, денеска најави донација од еден милион евра за истражување и развој на вакцина против коронавирусот.
Овие средства се дел од виртуелната донаторска конференција за развој на вакцина на која се ветени 7,4 милијарди евра.
Претседателката на Европската комисија, Урсула фон дер Лејен, која беше домаќинка на конференцијата за виртуелни донатори, објави дека се собрани вкупно 7,4 милијарди евра за развој и истражување на вакцина.
Цел на конференцијата беше да се собере почетен капитал од 7,5 милијарди евра во првата фаза, од кои четири милијарди ќе бидат наменети за развој на вакцини, две милијарди за третман и една и пол милијарди за тестирање.
– Успеавме. Имаме 7,4 милијарди евра – рече фон дер Лејен.
