Сите патници кои влегуваат во Грција од која било странска земја, вклучително и земјите-членки на Европската Унија, ќе подлежат на задолжителен карантин во времетраење од седум дена, објави грчката новинска агенција АНА-МПА.
Доколку тие престојуваат во Грција помалку од седум дена, карантинот ќе трае за целиот период додека се во земјата, односно до нивното заминување.
Покрај тоа, неопходна е потврда за негативен ПЦР-тест направен 72 часа пред патувањето, а паралелно, ќе се спроведуваат и брзи тестови за дел од патниците согласно предвидениот процес.
Сите вакцинирани израелски патници ќе влегуваат во Грција без карантин.
Од друга страна, за патниците од Велика Британија предвидени се посебни правила, односно задолжителен тест по пристигнувањето, седумдневен карантин и уште еден ПЦР-тест по завршувањето на карантинот.
