Во Србија се регистрирани нови 110 заболени од ковид-19, а две лица починаа како резултат на оваа болест.
Во земјата досега биле тестирани вкупно 4.460.114 граѓани, а во последните 24 часа биле тестирани 9.372.
Според последните податоци на Министерството за здравство и Институтот „Батут“, на респиратор има 12 лица, а 283 пациенти се во болница.
Од 110 нови случаи, кои беа потврдени во Србија во изминатите 24 часа, најмногу се регистрирани во Белград – 26, а двоцифрен број нови случаи е забележан и во Врање, Чачак и во Параќин.
