Во Грција денеска е забележано зголемување на бројот на новозаразени случаи од коронавирус, откако тој број се намалуваше со недели, објавија грчките медиуми.
Здравствените власти денеска пријавиле 1.797 новозаразени со Ковид-19, што е двојно повеќе во споредба со вчерашните бројки, пренесуваат агенциите.
Според здравствени службеници, повеќето нови случаи на заразени со коронавирус се пријавени кај млади луѓе, кај кои постои многу помала веројатност од сериозни последици.
Грчките власти ги укинаа повеќето ограничувачки мерки по падот на бројот на новозаразени во изминатиот период.
