Илјадници демонстранти денеска повторно протестираа во Љубљана против анти-епидемиските мерки на владата на Јанез Јанша, особено задолжителните потврди за ковид. Меѓу насобраните беа и оние кои побараа оставка од владата.
На протестот е зголемено присуството на полицијата, но досега е без инциденти и полициска интервенција, што ги спречи демонстрантите да заминат пред зградата на парламентот. Како што пренесуваат тамошните медиуми, во демонстрациите уапсен е барем еден, пренесува Хина.
Опозицијата денеска поднесе барање за отповикување на министерот за внатрешни работи, Алеш Хојс, во собраниска процедура, предлагајќи негова смена поради, како што велат, прекумерната употреба на репресивни мерки против демонстрантите во последните неколку протестни собири.
Хојс ја има довербата од премиерот Јанез Јанша, кој минатата година ја одби неговата оставка по медиумско-политичка афера.
Опозицијата собра 43 потписи заменици за интерпелација на министерот, речиси половина од вкупниот број пратеници во парламентот, во кој спаѓаат 90 пратеници.
