Светската здравствена организација го предупреди Бразил да не ја покренува својата економија пред да може да тестира доволно луѓе за да се контролира ширењето на ковид-19.
Според извршниот директор на организацијата за вонредни ситуации, Мајкл Рајан, интензивната стапка на трансфер значи дека Бразил треба да задржи во сила мерки за останување дома, без оглед на негативните последици по економијата.
Минатата недела, Бразил изби на второто место во светот по бројот на заразени, по САД, и има повеќе од 360.000 потврдени случаи на коронавирус и речиси 30.000 смртни случаи. Претседателот Жаир Болсонаро, продолжи да го нарекува ковид-19 „мал грип” и ги повика компаниите повторно да се отворат.
