Сите здравствени работници во Италија ќе мора да се вакцинираат против коронавирусот, објави синоќа италијанската влада.
Указот, кој е одобрен од кабинетот на премиерот Марио Драги, вели дека здравствените работници, вклучително и фармацевтите, се обврзани да се вакцинираат, а оние што ќе одбијат би можеле да бидат суспендирани од работа без финансиски надомест до крајот на годината.
– Целта на мерката е да се заштити медицинскиот и немедицинскиот персонал што е можно повеќе, како и оние кои работат во средина каде што можат да се заразат – се вели во соопштението на владата.
Критичарите на владата се сомневаат во законитоста да се принудуваат само одредени категории на население да примаат вакцина.
Досега во Италија се дадени околу десет милиони дози на вакцини, а две дози примиле околу 3,1 милиони луѓе постари од 60 години.
