Меѓународните научници испратени од Светската здравствена организација (СЗО) во Кина за да го испитаат потеклото на коронавирусот, изјавија дека истрагата е во мирување и oти шансата да се реши мистеријата брзо се намалува, пренесувааат светските медиуми.
Во меѓувреме, американскиот разузнавачки извештај, побаран од американскиот претседател Џозеф Бајден, даде нецелосен заклучок за потеклото на вирусот, вклучувајќи ја и теоријата дека вирусот преминал од животно на човек или протекол од кинеска лабораторија, објави „Вашингтон пост“.
Во коментар објавен во списанието „Нејчр“, експертите на СЗО велат дека истражувањето за потеклото на коронавирусот е клучна пресвртница која бара итна соработка, но наместо тоа, се е запрено. Тие нагласија дека кинеските власти се уште не сакаат да ги споделат податоците, а како причина ја наведоа заштитата на правата на пациентите.
Претходно оваа година, СЗО испрати тим во Вухан, каде беше регистриран првиот случај на коронавирус во декември 2019 година, за да испита како сето тоа започнало. Во анализата објавена во март, СЗО заклучи дека коронавирусот најверојатно се шири од животни на луѓе и ја нарече веројатноста за протекување од лабораторија исклучително мала.
