Разгорувањето на пандемијата во Индија и во некои други делови на светот, во кои доминираат новите соеви на коронавирусот, предизвикуваат загриженост кај научниците и здравствените власти.
Со месеци знаеме дека се појавија нови видови на коронавирусот кои имаат одредени еволуција, и тоа предизвикува загриженост, велат експертите.
Досега се забележани четири соеви на ковид-19 кои имаат мутации во клучниот протеин на шилци, за што има одредена показатели дека токму тие им овозможуваат побрзо да се шират или можеби да го избегнат одбранбениот систем.
Оваа способност беше препознаена откако во многу земји тие започнаа да доминираат.
На пример, секвенционирањето на вирусот покажа дека британскиот вид Б.1.1.7, првпат откриен во декември во Лондон и Кент, се раселил во многу делови на светот и станал доминантен.
Бразилскиот сој П.1 беше откриен во Манаус во октомври 2020 година, откако таму повторно беше забележано ширење на ковид-19. Научниците биле збунети затоа што се сметало дека тоа што жителите на тој бразилски град го поминале коронавирусот во околу 75% е доволна за да се заштитат со колективен имунитет. Но кога ги анализирале примероците, откриле дека таму доминира нов вид.
Кога станува збор за јужноафриканскиот вид Б.1.351, прелиминарните истражувања покажале дека единствената мутација откриена на него овозможува значително поголема отпорност на антитела во обновувачката плазма на донаторите кои преживеале ковид-19. Вакцината на „ Астра зенека“ исто така се покажало дека обезбедува послаба заштита од овој вид.
Индиската варијанта Б.1.6217 која е откриена во октомври 2020 година во Индија. Индиското Министерство за здравство објави на 24 март дека 15% до 20% од дијагностицираниот ковид-19 во државата Махараштра има две невообичаени мутации: Е484К и Л425Р. Но досега овој процентот се искачил на повеќе од 60% во некои делови на земјата, а мутираниот сој го добил името Б.1.617. Оваа варијанта наскоро се прошири во неколку земји, вклучувајќи ги Велика Британија, САД, Израел и Австралија.
Експертите се малку загрижени затоа што оваа верзија содржи две мутации на С протеинот, што може да ја зајакне неговата способност да го избегне нашиот имунолошки одговор.
Мутацијата Л452Р може да му помогне на вирусот да избегне некои антитела формирани по вакцинирањето, додека Е484К има сличности со мутацијата Е484К, што овозможува јужноафриканската варијанта да стане нешто отпорна на вакцините. Но, научниците веруваат дека постојните вакцини сепак ќе бидат ефикасни со индискиот вид во однос на спречувањето на тешки болести и забавување на ширењето на инфекцијата.
Нов светски рекорд во Индија – повеќе од 352.000 новозаболени во еден ден
Индија постави нов црн светски рекорд во бројот на новозаболени лица со коронавирус. Во изминатите 24 часа се потврдени 352.991 нов случај на ковид-19, што е најголем број на новозаболени во еден ден од почетокот на пандемијата.
Вкупниот број на потврдени случаи на ковид-19 во Индија надмина 17 милиони.
Индија е втора во светот по бројот на потврдени случаи на коронавирус, по САД.
Во изминатите 24 часа, 2.812 лица починаа како резултат на коронавирусот, а вкупниот број на смртни случаи од почетокот на пандемијата е 195.123.
