Говорот на британската кралица Елизабета Втора пред народот во врска со пандемијата на коронавирус го следеа повеќе од 23,5 милиони луѓе во неделата.
Многу Британци сметаат дека тоа е многу емотивен говор, кој кралицата го заврши со зборовите:
– Ќе се сретнеме повторно наскоро – пишува „Дејли мејл“.
Пораката на кралицата беше емитувана од сите британски телевизии, а можеше да се гледа и на социјалните мрежи на кралското семејство, при што новинарите што го следат кралското семејство истакнувајќи дека ова е еден од најславните моменти на кралицата во нејзиното 68-годишно владеење.
За кралицата, се вели дека им покажала на жителите на Велика Британија и земјите од Комонвелтот дека е сосема покрај нив, а некои дури и да го споредуваат нејзиниот гест со оној од Втората светска војна кога решила да остане во Лондон наместо да избега на безбедно место.
Кралицата ретко и се обраќа на нацијата и луѓето од Велика Британија се задоволни од нејзината извонредна порака. Тие истакнуваат дека таа ги охрабрила, и сите се надеваат дека пандемијата на коронавирус ќе заврши наскоро.
