Претседателот на Европскиот совет, Шарл Мишел, изјави дека производството и испораката на вакцини, како и вакцинациите против ковид-19 низ цела Европска Унија, се приоритет број еден и посочи дека тука спаѓа и работата за зголемување на производството на вакцини.
– Тековната состојба е тешка, но би сакал да испратам порака за оптимизам. Имаме средства со кои ќе обезбедиме ЕУ да одигра клучна улога во надминувањето на кризата во следните месеци – рече Мишел.
Ние сакаме поголема предвидливост и транспарентност од фармацевтските компании, објави Мишел на својот официјален профил на Твитер по завршувањето на самитот на ЕУ, што се одржа онлајн.
Претседателката на Европската комисија, Урсула фон дер Лејен, оцени дека дејствуваат заштитните мерки, кои се на сила низ цела Европа, и додаде дека се работи на испитувањето на новите ковид-варијанти
