Градоначалникот на Гази Баба, Борис Георгиевски од вчера е хоспитализиран на Клиниката за инфективни болести во Скопје, а утрово ги добил резултатите од тестот за коронавирус кои се позитивни. Тој вели дека е во добра состојба, а засега, нема одговор како и каде се заразил.
„Вчера го направив тестот, денес изутрина добив резултат и е позитивен. Без покачена температура, состојбата е во ред“, вели Георгиевски за „А1он“.
Претходно, заразени со вирусот беа и градоначалниците на Куманово, Максим Димитриевски, на Чаир, Висар Ганиу и Чешиново-Облешево, Горанчо Крстев.
