При слетување на аеродромот во Муан, авионот на корејската авиокомпанија „Jeju Air“ удрил во заштитната ограда на крајот од пистата и експлодирал. Се стравува дека сите патници во авионот загинале, а несреќата ја преживеале само двајца членови на екипажот кои биле извлечени од опашката на авионот – соопштија локалните власти.
Новинската агенција Јонхап ги цитираше аеродромските власти дека опремата за слетување не функционирала за време на слетувањето, поради што авионот скршнал од пистата, удрил во ѕидот што го опкружува аеродромот и се запалил.
BREAKING: New video shows moment Boeing 737-800 plane carrying 181 people onboard crashes at Muan International Airport in South Korea.
pic.twitter.com/konxWBpnWy— AZ Intel (@AZ_Intel_) December 29, 2024
Во авионот кој се враќал од Тајланд имало 175 патници и шест членови на екипажот. Двајца членови на екипажот кои биле во опашката на авионот се спасени. Пожарникарите се сомневаат дека ќе има уште преживеани.
– Удар на птица е меѓу неколкуте теории за можната причина за падот, кои не се потврдени – изјави претставник на воздухопловниот оддел на Министерството за транспорт на Јужна Кореја, додавајќи дека истрагата е во тек.
Меѓу патниците имало и двајца тајландски државјани, а останатите се претпоставува дека се Јужнокорејци – соопшти Министерството за транспорт.
Несреќата се случи на јужнокорејскиот меѓународен аеродром Муан на југот на земјата.
