Денеска по стоти пат го одбележуваме крајот на Првата светска војна. За време на овие смртоносни битки речиси 10 милиони луѓе се соочија со сурова смрт, а уште 20 милиони беа повредени. Цели региони беа опустошени, или пак загадени со отровни гасови. Тоа не обврзува да покажеме дека извлековме поука од искуството на разориот век. Германија и Франција успеаја да го пронајдат патот кон нивното помирување, кое е основа на една Европа.
Со овие зборови на Француските гробишта во Битола, гереманскиот амбасадор Томас Герберик, им се обрати на француски јазик на присутните бројни делегации кои присуствуваа на одбележувањето на крајот на Првата светска војна.
-Првата светска војна драстично го промени животот на луѓето, општествата и државите во Европа. Ова сеќавање треба и во денешно време да опоменува за мирот- рече амбасадорот Герберик.
Пред присутните на германски јазик се обрати францускиот амбасадор Кристијан Тимоние.
-Денеска Французи, Германци станаа сојузници и пријатели, заеднички се сеќаваме со истата емоција пред овие загубени млади животи, мислејќи на нивните страдања и нивните надежи. Денеска сме тука заедно, поранешните непријатели и поранешни сојузници соочени со нови проекти и нови надежи. Денеска треба да бидеме верни на пораките на сите наши загинати браќа во несреќа и неволја. Да се потсетиме на ривалствата од минатото и да се потсетиме на ривалствата и конфликтите.Оваа земја, која е полна со сеуште неексплодирани бомби ни дава задача, но и не поттикнува денес повеќе од кога било заеднички да делуваме- истакна Тимоние.
Посочи дека е треба да се стави крај на токсичните митови, да се отфрлат популизмот и национализмот, повторно да се открие мирот, да им се каже „не“ на империите од минатото како и на фанатизмот.
-Ова е пораката која треба да ја носиме, Французи и Германци. Тоа е наша должност, сега повеќе од кога било за заеднички да помогнеме повторно да се изгради Европа. Загинатите војнци на Македонскиот фронт сега, сто години подоцна не повикуваат повеќе од кога било да го направиме тоа – рече амбасадорот Кристијан Тимоние.
На чествувањата на Француските и Германските гробишта присуствуваа бројни делегации од Битола, земјата и странство, а беше отскриена и спомен плоча на младите ученици од Битолаи Долна Неормандија.
M.M.
