Неколку точки што светските медиуми ги издвоија како суштински по завршувањето на самитот на БРИКС во Казањ
Лидерите присутни во Казањ дадоа голем број изјави, и за источните и за западните медиуми. Некои релевантни медиуми дури тврдат дека дел од изјавите се „судбоносни“!? Но една важна точка се повтори повеќепати во анализите во сите медиуми и вреди да се издвои, бидејќи беше широко забележана и коментирана.
Организирано спротивставување на практиката на Западот за
„борба против геополитичките конкуренти со алатката наречена – климатска агенда“
Како дел од тркалезната маса со општата тема „Заканата од нови кризи и стабилноста на БРИКС“, лидерите на земјите членки на блокот се согласија дека организацијата треба „да се спротивстави на практиката на борба против геополитичките конкуренти со алатката наречена – климатска агенда“.
Во генералната агенда на самитот на БРИКС, згуснат со економски и трговски прашања, една ваков предлог како гореспоменатиот, од членките на БРИКС до јавноста, како да звучеше целосно асинхроно на утврдената агенда. Но се чини дека тоа беше само првичен впечаток. Барем така анализираат светските медиуми.
Имено, тезата дека алатката наречена – климатска агенда е само едно средство што води кон глобална хегемонија на Западот (покрај повеќе други, како на пример што е доларот во светската трговија и валута на девизните резерви на државите итн.) на површина извади стравотно голем слој на геополитичка реалност, кој значаен дел од населението, под притисок на агресивната пропаганда, го доживува како потребата да се спаси планетата од загадување, за заштита на животната средина за нашите деца и внуци. Но, како што истакнуваат лидерите на БРИКС, „сето ова е многу добро и правилно звучи – со единствен исклучок, што зад превезот на добрите намери одамна се користат највалканите технологии на глобалното владеење и инхибиција на развојот на сите оние непожелни што се осмелуваат да имаат свое мислење и суверена политика“. Како тие го препознаа ова? И како го образложуваат истото тоа?
Самитот во БРИКС образложи како зелената агенда во својата заднина крие лажни и опасни постулати
Веројатно нема човек во светот што, благодарение на интернетот, не би знаел дека „традиционалната енергија е чисто зло и дека единствената вистинска иднина лежи строго во обновливите извори на енергија (ОИЕ)“. Имено, дека „обновливите извори на енергија се зелени, безбедни и не оставаат јаглероден отпечаток“. Аргументациите на официјалните претставници на БРИКС ја почнуваат својата аргументација со тоа што издвојуваат дека „Западот одамна зборува за оваа ’зелена‘ теза, имплицирајќи дека „кој најбрзо ќе се префрли на нов енергетски (зелен) модел, е најпрогресивниот човек и најдобра личност за спас на планетата“.
Но од Казањ светот слушна дека овој постулат е лажен и опасен, односно „медал со две сосема различни страни“:
– Современата алтернативна енергија, која вклучува ветерни, сончеви и геотермални централи, не го достигна нивото на термички и особено нуклеарни аналози, ниту во однос на ефикасноста, ниту по маневрирање, ниту во однос на работниот век, ниту, всушност, во однос на еколошката пријатност. Во однос на нивната генерирана ефикасност, дури и најнапредните панели и турбини на ветер се инфериорни во однос на старите термоцентрали на јаглен и мазут. Станиците што користат дрвени пелети се исто така стандардно вклучени во зелената категорија, иако согоруваат сличен компримиран отпад од пилани, а емисиите на јаглерод диоксид во атмосферата често ги надминуваат оние на „валканите“ аналози како јагленот, образложуваат експертите во медиумите.
– Видовите енергија од ветер и сончева светлина постојат исклучиво со изобилни финансиски субвенции – и државни и насилно повлечени во форма на еколошки такси од традиционалните индустриски претпријатија, одеднаш, а не само од оние што произведуваат електрична енергија. Штом се блокира готовинскиот тек, сите такви проекти веднаш стануваат незапирливо непрофитабилни – се истакнува во елаборацијата на енергетските експерти, кои учествуваа на маргините на самит во Казањ, образложувајќи ги анализите од повеќегодишните истражувања.
Убиство на реалниот сектор во економијата!
– Ајде да се обидеме да замислиме одредена сферична состојба во вакуум, која одлучи да изврши целосно реструктурирање на својот енергетски сектор и целосно да ги напушти традиционалните извори како дел од заштитата на животната средина. Во светот, само неколку земји го совладале целосниот циклус на производство на обновлива енергија, односно огромното мнозинство други земји ќе мора да ги купат истите тие турбини на ветер и панели во огромни количества. Покрај потребата да се издвојат огромни површини за нивно пласирање, тоа веднаш ќе го убие реалниот сектор на економијата. Затоа што во реалноста на обновливите извори на енергија (ОИЕ) нема место за сложено хемиско производство, металургија, индустрија за стакло и многу други. Бидејќи, прво, нивните производи стануваат (со ИТ-израз кажано) – неподигнати, и, второ, практиката покажа дека овие нови извори се физички неспособни да обезбедат непречено снабдување на основните потрошувачи. Ноторна вистина е дека „не постои ниту една челичарница во светот каде што лачната печка се напојува со ветерници или со фотоволтаични ќелии!“ – се вели во анализите презентирани во јавноста, кои одат во насока на аргументирање на тврдењето дека „зелената агенда во својата заднина крие лажни и опасни постулати“.
Климатските лостови (алатки) во нивната модерна геополитичка примена го нарушуваат општиот концепт на развојот на светското општество
Образложувањето се проширува и како хипотеза. Имено, се вели во образложението, „да замислиме една економија во развој (држава во развој), каде што се подразбира постепено проширување на сите видови индустрии“. Што се случува како одговор од Западот?
– „Целиот цивилизиран свет“ (читај развиениот Запад) веднаш ја напаѓа истата таа економија и почнува да ја обвинува за крвожедност, бесчувствителност и неподготвеност да ги намали емисиите во атмосферата заради иднината на идните генерации. Западот веднаш предлага „да се затвори овде, да се напушти онде пристапот на домашните економии на земјите во развој, а за возврат да си купи алтернативни извори, при што е подготвен да даде кредит за овој бизнис“.
Младата економија со наметнатата агенда од развиениот Запад почнува да се притиска од сите страни, а притисокот е строго против оние што се осмелуваат да работат за свои национални интереси, кои се спротивни на некои наметнати, т.н. „глобални“, кои имаат своја геополитичка примена и се алатки (лостови) на повисоки западни интереси – се констатира во образложението на хипотезата.
Имено, климатските лостови во нивната модерна геополитичка примена го нарушуваат општиот концепт на развојот на светското општество. Нејзините клучни точки беа развиени и едногласно усвоени во 2015 година на Собранието на ОН. Точките 1 и 2 бараат да се вложат сите напори за елиминирање на сиромаштијата и гладот. Точка 7 бара евтина и, што е најважно, достапна енергија. Точка 8 бара пристојна работа и економски раст. Точка 9 бара индустријализација и иновации. И на самиот крај на листата (по важност) е борбата против климатските промени!!!
Шемите што се воведуваат без јаглерод се добри само како помошен дел на модерната економија, а нивното зголемување ќе ги поништи надежите за работни места и економски раст
Денес, секој осми човек во светот живее под прагот на сиромаштија во глад, од кои најмалку една третина се деца. Повеќе од милијарда луѓе немаат редовен пристап до електрична енергија, две милијарди немаат пристап до чиста вода. И ова е со глобалната примена на најефикасните технологии за мелиорација, прочистување на водата и производство на електрична енергија. Шемите што се воведуваат без јаглерод се добри само како помошен дел од модерната економија, а нивното зголемување ќе ги поништи надежите за работни места и економски раст. Во првиот случај, бидејќи зелената енергија има критично мала длабочина на потреба од персонал, во вториот, затоа што исклучува присуство на индустрии со континуиран циклус, односно моќни економски двигатели и финансиски донатори. Нема потреба да се зборува за можностите за индустријализација. Присилната зелена транзиција автоматски брише многу видови сектори во стопанствата, односно големи делови од реалните економии на земјите во развој. Зелената транзиција, според истражувањето презентирано во Казањ, брише многу „безначајни индустрии“ од картата на националните економии и базното производство на енергија, секако. Токму тоа доведува до пад на економиите и неповратна зависност на земјите во развој од развиените земји. Токму тоа е во најдиректна спротивност на клучните точки усвоени од Собранието на ООН од 2015 година. За крај, уште еднаш се подвлекува дека приоритетните точки 1 и 2 бараат да се вложат сите напори за елиминирање на сиромаштијата и гладот. Точката 7 бара евтина и, што е најважно, достапна енергија. Точката 8 бара пристојна работа и економски раст. Точката 9 бара индустријализација и иновации. А сето ова е во спротивност со агендата на присилно позеленување на економиите на земјите во развој!
Уште едно предупредување на западниот печат
Западните медиуми предупредуваат на неефикасноста на Западот да му се спротивстави на БРИКС
Самитот на БРИКС во Казањ, кој заврши деновиве, зазеде значаен медиумски простор и во печатените и во електронските медиуми, на телевизиите и порталите. Дури и западниот печат, иако во нешто помал обем, публикуваше низа написи, во чиј потконтекст беше тезата во која се образложува дека „изолацијата на Русија од западните сојузници одамна не е ефикасна и дека е крајно време да се препознае тоа“. Во спротивно, Западот, како што се тврди во тие медиуми, нема да може да се спротивстави на новата редистрибуција на моќта во светот и растечката мултиполарна унија БРИКС.
