Домување
Есента е омиленото годишно време за љубителите на природата, но е и време кога го подготвуваме домот за да можеме малку почесто да се повлекуваме во него и да уживаме во домашните цвеќиња. Тие внесуваат топлина во просторот и го збогатуваат ентериерот, но некои форми и бои на листовите можат да го подобрат тоа чувство на есенска удобност. Доколку барате растенија со најубави есенски тонови и нежни форми, вие сте на вистинското место.
Калатеја: Прекрасно растение за во затворени простори, сите негови сорти се привлечни, а „ѕвечарката“ калатеја е едноставно фасцинантна.
– Ова растение е толку впечатливо што не можете а да не го погледнете, бидејќи изгледа како уметничко дело – вели Џули Боуден-Дејвис, специјалистка за домашни растенија.
Овие растенија имаат впечатлив изглед со цврсти листови и карактеристични дамки на нив. Виолетовата долна страна на нивните листови совршено се вклопува со есенската палета на бои. Таа советува внимателно наводнување, ниту претерување ниту занемарување – секогаш допрете ја почвата за да бидете сигурни дека е време за нова „доза“ вода.
Кралска бегонија: Есента е совршено време да додадете повеќе боја во вашиот дом, особено во просториите што немаат доволно природна светлина. Внатрешните растенија со црвена боја на листовите, како што е кралската бегонија, ви даваат можност да внесете живи нијанси во просторот. Ова растение треба да се третира со повеќе вода. Наводнувајте го темелно, а потоа оставете ја почвата речиси да се исуши пред повторно да ставите вода. Обезбедете му јака, но индиректна светлина, како што е прозорец свртен кон исток или запад.
Аспарагус папрат: Не заборавајте да додадете некои меки лисја за да создадете пријатно чувство во внатрешноста. Папратот аспарагус е совршен избор, бидејќи има нежни и меки листови што му додаваат допир на софистицираност на секој простор. Папратите не бараат толку грижа како што изгледа. Никогаш не дозволувајте да се исушат целосно и тие ќе бидат среќни.
