Времето денеска ќе биде сончево и многу топло, попладне со мала до умерена локална облачност. Во попладневните часови понекаде во планинските региони ќе има услови за краткотраен пороен дожд. Ќе дува слаб до умерен ветер од североисточен правец.
Минималната температура ќе биде во интервал од 14 до 23, а максималната ќе достигне од 36 до 42 степени. УВ индексот ќе изнесува десет.
Во Скопје времето ќе биде сончево и многу топло, попладне со мала до умерена облачност. Минималната температура ќе се спушти до 20, а максималната ќе достигне до 41 степен, прогнозира Управата за хидрометеоролошки работи (УХМР).
Во следните денови и понатаму ќе биде претежно сончево и многу топло со максимална дневна температура која насекаде ќе биде над 30 степени целзиусови, а наместа ќе надминува 40. До крајот на работната седмица ќе биде активно портокаловото ниво за опасност од високи температури. Во петок и за време на викендот, а особено во сабота, во попладневните часови ќе има појава на локален пороен дожд, грмежи и засилен ветер и дневната температура ќе биде во постепено опаѓање.
