Начинот на кој се однесуваат на теренот, исто така што прават за да бидат одлични. Ги имате Леброн Џејмс, Новак Ѓоковиќ, Роже Федерер, Том Брејди… Би можел да наведам многу. Сакам да ги слушам овие момци и да учам како се справуваат кога се на врвот и како се справуваат со тешките моменти, но и со добрите моменти, вели Ван Дајк
ФУДБАЛ
Вирџил ван Дајк му го донесе на Ливерпул првиот трофеј под негова капитенска палка (во Лига-купот на Англија), но неговото влијание се протега надвор од тоа, го презеде стариот статус на најдобар централен бек во англиската фудбалска Премиер-лига и е потенцијален играч на годината, пишува британскиот дневен весник „Индепендент“. На теренот и надвор од него Ван Дајк се истакнува со тоа што изгледа смирено. Тој често е лежерен колос, кој им помага на неискусните, но дури и тој може да биде погоден, пишува „Индепендент“.
– Позитивната врева е добра, но јас само сакам да бидам мојата најдобра верзија на теренот и да бидам најдобар што можам, бидејќи работите се одвиваа многу добро сезонава лично и голема заслуга за целиот тим со оглед на пречките што ги надминавме. Знам дека имам голема улога во тоа, знам дека морав да се засилам и направив и мислам дека по малата промена што ја направивме минатиот март се чувствувам многу подобро. Паузата летоска многу помогна и тоа ме донесе во добра форма – вели тој.
Тоа е потпомогнато со тоа што има свој физиотерапевт и готвач, тие се причините зошто Ван Дајк почна најмногу натпревари, 32, за Ливерпул сезонава, пишува „Индепендент“.
– Слушајќи го вашето тело и управувајќи со себе, не можете да го оцените тоа. Довербата е голем двигател кога играте, но генерално мислам дека направив големи чекори во поседот. Менаџерот пред некој ден рече дека не е толку едноставно како носењето на капитенската лента и мислам дека многу работи штотуку кликнаа повторно. Одговорноста помогна, но направив чекори во поседот, чекори во начинот на кој бранам и навистина уживам во тоа – вели тој.
Неговиот статус донесе обожаватели од висок профил. Кошаркарот на Лос Анџелес лејкерс, Леброн Џејмс има удел во Ливерпул. Двајца гиганти од нивните соодветни спортови соработуваа и си разменија најдобри желби.
– Имавме пораки меѓу нас. Го видов билбордот неделава и тоа е неверојатно – рече Ван Дајк
Неговите спортски инспирации се многу подалеку од другите централни дефанзивци.
– Ми се допаѓа кошарката. Ги гледам сите врвни спортисти на највисоко ниво затоа што чувствувам дека сите тие имаат голема улога, или како голем модел или за нивниот тим и за заедницата, и има многу работи што можете да ги научите. Начинот на кој се однесуваат на теренот, исто така што прават за да бидат одлични. Ги имате Леброн, Новак Ѓоковиќ, Роже Федерер, Том Брејди… Би можел да наведам многу. Сакам да ги слушам овие момци и да учам како се справуваат кога се на врвот и како се справуваат со тешките моменти, но и со добрите моменти – вели Ван Дајк.
„Стремете се кон величината“ е името на документарниот филм на Џејмс, кој служи како мото и за Ван Дајк.
– Таа фраза што ја користи е совршена. Сакам да постигнам најмногу што можам во животот и да го извлечам максимумот од себе, тимот и од позицијата во која се наоѓаме. Секоја сезона е предизвик, но ние сме во посебна ситуација – рече тој. Н.М.
