Големиот шумски пожар во забранетата зона околу нуклеарната електрана Чернобил речиси е изгаснат, но ќе бидат потребни уште неколку дена пред целосно да биде совладан огнот. Ова го изјави денеска директорот на украинската Служба за вонредни ситуации, Николај Чечеткин, по состанокот со украинскиот претседател Володимир Зеленски.
Руската хидрометеоролошка и еколошка служба „Росгидромет“ соопшти дека пожарот што изби на 4 април не предизвика зголемување на нивото на радијација на територијата на Русија и истата останува во рамките на безбедносните граници, пренесе ТАСС.
Пожарот кој беснееше десет дена зафати голема шумска површина, како и 12 некогашни населби, чии жители беа евакуирани за време на нуклеарната катастрофа во Чернобил во 1986 година.
