Колектив Ветерница ја најавува својата нова – шеснаесетта премиера по ред, под наслов „Темниот бакнеж”.
„Темниот бакнеж“ е завршна претстава на трите групи по танцов театар, а истата раскажува за темниот бакнеж на Сонцето и Месечината, кој ќе експлодира во безброј магични сплетки на шумските самовили, нивните сестри вештерки и браќа гаврани.
Во неа учествуваат 30 деца од групите по танцов театар на возраст од 5 до 13 години.
Претставата изобилува со музика и танц и е соодветна за секоја возраст. Костимите и сценографијата се на Колективот Ветерница кој веќе 5 години активно се занимава со продукција на независен танцов театар од деца за деца.
Премиерата е закажана за 20ти мај (понеделник) од 19:30 часот во МКЦ кино „Фросина“, каде може да се набават билети по 150 денари.
