Штефан Зајберт, портпарол на германската канцеларка Ангела Меркел денеска го поздрави јасно изнесениот став за Брегзит, но не прецизира како Германија ќе одговори на тоа.
Британската премиерка Тереза Меј денеска побара од Европска Унија излегувањето на Велика Британија да биде пролонгирано до 30 јуни, додавајќи оти е подготвена и на подолго одложување.
Зајберт истакна дека Берлин го поздравува фактот што сега постои јасно барање од Велика Британија.
– Барањето сигурно ќе биде интензивно разгледувано на Самитот на ЕУ – посочи Зајберт.
Тој додаде дека „Германија и понатаму е убедена дека Брегзит без договор не би бил во ничиј интерес“.
За пролонгирање на Брегзит потребно е одобрување од сите 27 земји членки на ЕУ.
