Медицински совет
Темното чоколадо се смета за здраво уживање, со 70 проценти или повеќе какао, богато со билни соединенија, наречени флавоноиди и флаваноли, кои се поврзани со помал ризик од срцеви заболувања и со други кардиоваскуларни придобивки. Британскиот весник за клиничка фармакологија наведува дека чоколадото влијае на невротрансмитерите како допамин, серотонин и ендорфин, а студијата спроведена на 14.000 возрасни лица вели дека консумацијата на темно чоколадо ја намалува веројатноста од појава на депресивни епизоди за 57 проценти. Покрај тоа, суровото какао е полно со флаваноли, билни соединенија за кои се верува дека ја подобруваат циркулацијата и ги намалуваат крвниот притисок, воспалението и нивото на холестерол.
Нутриционистката Касандра Барнс напоменува дека какаото е богато со калиум, кој помага за регулирање на крвниот притисок, и со магнезиум, кој е клучен за правилно функционирање на сите мускули, вклучувајќи го и срцето. Едно истражување покажа дека умерената консумација од три реда чоколадо месечно може да го намали ризикот од срцева слабост за 13 проценти, а истражувачите велат дека флавоноидите исто така го зајакнуваат здравјето на крвните садови и помагаат за намалување на воспаленијата, но предупредуваат дека прекумерната консумација на чоколадо исто така не е добра, дури и го зголемува ризикот од срцева слабост.
