Компанијата „Емирати“ со седиште во Дубаи, за која авионите „ербас А380“ се основа, започна со расклопување на еден од своите четири моторни гиганти, бидејќи одлучи да бидат заменети со помали и потенки модели. Најавата за демонтирање на авионот доаѓа само неколку недели пред „Емирати“ да го преземе својот последен А380 од „Ербас“, ставајќи крај на ерата, во која патничкиот авион на два ката беше во центарот на плановите за раст на компанијата.
– Компанијата ќе ги зачува моторите, опремата за слетување и компонентите за контрола на летот од 13-годишниот авион, кој полета на својот прв комерцијален лет од Дубаи до Њујорк во август 2008 година – се вели во соопштението.
Другите делови од авионот ќе бидат претворени во мебел, сувенири и предмети за продажба, а дел од приходите ќе бидат наменети за добротворни цели за помош на децата.
– Ова е елегантно и практично решение за пензионирање на овој легендарен авион на нашата флота – рече претседателот на „Емирати“, Тим Кларк.
Во 2019 година, по 12 години, „Ербас“ го прекина производството на А380 бидејќи не можел да обезбеди доволен број нарачки. „Емирати“ е најголемиот купувач на А380, со нарачка од 118 суперџамбо-авиони, но неможноста да се постигне договор со производителите на мотори за идните нарачки значеше крај на тој тип авион. А380 беше еден од најпопуларните меѓу патниците и „Емирати“ долго време тврдеше дека е главна атракција за своите клиенти и дека му помага да превезе повеќе патници од кој било друг комерцијален авион до аеродромите, кои имаат ограничен број авиони за прием. Од „Емирати“ објавија дека А380 ќе продолжи да игра клучна улога во својата флота на авиони со широка карта и дека новиот А380 ќе има нова премиум економска класа.
– „Емирати“ ќе продолжи да биде најголемиот оператор на овој простран и модерен авион во следните две децении – објави претседателот Кларк.
