Со познатиот француски бренд „Лакост“, најпознат креатор на висококвалитетни поло-маици на светската сцена несомнено е американскиот дизајнер Ралф Лорен, кој оваа сезона подготви вистинско уживање за љубителите на ова култно парче и сите оние што посветуваат многу внимание на одржливоста на модата.
Со препознатлив изглед, поло-маиците се синоним за таканаречениот препи-стил на облекување, кој во последниве недели станува сѐ попопуларен на светската модна сцена, така што поло-маиците повторно ќе уживаат во својата слава. Нивниот најпознат дизајнер е несомнено 81-годишниот американски дизајнер Ралф Лорен, кој во својата пролетна колекција претстави серија нови модели што се издвојуваат од нивните претходници според начинот на кој се изработени. Како и многу брендови денес, и Ралф Лорен посвети поголемо внимание на одржливоста на модата, што резултира со создавање на таканаречената линија „Земја Поло“, со култните поло-маици во главната улога.
Секоја од презентираните поло-маички потпишана од Ралф Лорен се произведува во просек од 12 рециклирани пластични шишиња, што зборува многу за еколошката револуција во модниот свет.
Достапна во девет бои и дезени за жени и во 11 комбинации за мажи, новата генерација на поло-маици потпишана од Ралф Лорен е произведена во соработка со организација „Фрст мајл“ и е насочена кон одржливост во модата и создавање позитивно социјално влијание.
Со други зборови, како што објаснува самиот бренд, денес тие соработуваат во правење облека со мали бизниси од заедници со ниски примања за да соберат доволно пластични шишиња за рециклирање, кои потоа се обработуваат преку уникатна и еколошки производствена програма и се претвораат во висококвалитетен материјал. Целта, според Ралф Лорен, е да се обезбеди во рок од две години неговите дистрибутивни центри да не фрлаат отпад во депониите и дека до 2025 година тие ќе ја намалат употребата на вода за 20 проценти во производствените процеси.
