Запознавањето никогаш не било лесно, а благодарение на Тикток, генерацијата зед споделува совети и трендови што добиваат милиони прегледи. Еден од тие трендови е т.н. зомбирање, кое претставува и поостра верзија на т.н. гоустирање. За да го разберете зомбирањето, прво мора да знаете што е гоустирање. Во случај да сте заборавиле, гоустирањето се дефинира како нагло прекинување на комуникацијата со некого, без објаснување. Тоа може да биде пријател, некој со кого сте се виделе само еднаш или некој што ви се јавувал и ви праќал пораки со месеци.
Па, сега доаѓаме до уште полоша фаза од забавувањето онлајн. Замислете дека некој одеднаш контактирал со вас и исто така одеднаш исчезнал од вашиот живот и ќе добиете јасна слика за тоа што зомбирање. Токму тоа ѝ се случило на пејачката Мариел Дарлинг, која во вирално видео објасни дека зомбирањето е уште полошо од гоустирањето. Минатата година популарната тиктокерка објасни што ѝ се случило.
– Зомбите се како духови, се враќаат од мртвите по неколку месеци – вели таа во видеото, кое е прегледано повеќе од два милиони пати, а голем број тиктокери оттогаш ги споделија своите искуства поврзани со зомбификацијата.
Така, за разлика од „духовите“ за кои никогаш повеќе нема да слушнете, да се биде зомбиран значи дека некој посебен ќе се врати во вашиот живот по неколку недели, можеби дури и месеци, откако ве исклучил од животот.
