Заштедата на електрична енергија не е тешка задача, ако сте подготвени да промените неколку вкоренети навики. Ефектите се видливи многу брзо, со едноставен месечен план за заштеда, поделен на недели, така што постепеното воведување на навиките е без стрес и без многу жртви. Целта е сè да биде дел од рутината.
Перење и сушење: Перете ја облеката на пониска температура – машината користи помалку електрична енергија за загревање на водата. Исто така, секогаш држете ја машината полна, а тоа правило важи и за машината за миење садови. За да постигнете максимално намалување на трошоците, избегнувајте ја машината за сушење алишта – секогаш кога е можно, сушете ја облеката надвор.
Осветлување: Инсталирајте ЛЕД-светилки насекаде, бидејќи тие користат до 80 проценти помалку електрична енергија и траат подолго.
Фрижидер и замрзнувач: Не оставајте ја вратата од фрижидерот отворена долго време – секојпат кога ќе ја отворите вратата, влегува топол воздух и уредот мора да работи посилно. Одржувајте ја температурата на препорачаните вредности: фрижидер на 4 степени, замрзнувач на -18 степени. Исто така, замрзнувач покриен со мраз троши повеќе енергија, затоа секогаш одмрзнувајте го навремено.
Греење и ладење: Добро затворените прозорци и врати се всушност половина од битката кога станува збор за заштеда. Исто така, поставете го термостатот на оптимална температура, бидејќи секој степен повеќе или помалку може да влијае на потрошувачката за 5–10 проценти. Редовно чистете ги и менувајте ги филтрите на клима-уредите.
Уреди: Исклучете ги телевизорот, полначите, микробрановата печка, компјутерите и другите уреди кога не ги користите. Овие уреди трошат електрична енергија дури и кога се во режим на подготвеност. Користете продолжни кабли со прекинувач – исклучете ги сите апарати со еден клик.
