Без разлика дали сте го наследиле кристалот од вашата баба или можеби имате ретки предмети скриени во вашиот дом – тие би можеле да вредат илјадници евра. Некои вредни предмети честопати се занемаруваат од обичните луѓе, а експертите Лили Барфилд и Сали Шварц, кои професионално се занимаваат со антиквитети, укажуваат на некои од нив.
– Ако поседувате уникатно уметничко дело, истражете малку. Дури и ако е непотпишано или непознато, постарите уметнички дела – особено сликите со масло или нешто врамено под стакло – можат да имаат вредност – вели Барфилд.
Влезници за концерти: Нема да верувате, но билетите за концерти се вредни за колекционерите. Ако вие или член на семејството сте зачувале билети за познат бенд или фестивал, можеби ќе можете да имате среќа и да заработите пари.
Аудиоопрема: Се чини дека секој сака грамофон овие денови – повторно има голема побарувачка за винилот, а компоненти како грамофони и аудиофилска опрема како засилувачите „маранц“ се многу вредни.
Кристал и стаклени садови: Погледнете го уште еднаш тој сет стаклени садови што сте го наследиле од вашата баба. Гравираниот или сечениот кристал може да вреди многу, особено комплетните сетови или ретките парчиња.
Стерлинг-сребро: Од прибор за јадење и декор за домот до накит, чистото стерлинг-сребро може да се продаде по висока цена – особено ако е направено од реномиран бренд или сребрар.
Осветлување: Безжичните лустери или ѕидните светилки се во пораст овие денови.
ТВ-водичи, списанија и стрипови: Изданијата што датираат од пред 1970 година би можеле да бидат вредни за колекционерите. Луѓето што ги собираат бараат специфични теми и ќе платат големи пари за да пополнат празнина во нивната колекција.
Златни приврзоци: Златниот приврзок на вашата баба може да вреди илјадници евра. Луѓето почнаа да ги топат овие приврзоци кога цените на златото се зголемија и станаа тешки за наоѓање.
