Тренирањето модел врз база на резултати од конкурентни вештачки интелигентни системи може да биде „многу лошо“ за квалитетот на тој модел, бидејќи може да доведе до „халуцинации и погрешни одговори“ како оние што ги дава ДипСик. Неодамна лансираниот кинески отворен модел за генеративна вештачка интелигенција ДипСик надминува многу конкурентни модели на вештачка интелигенција во голем број популарни тестови (како пишување статии и есеи или програмирање), но има и една интересна карактеристика!
ДипСик всушност – мисли дека е ЧетГПТ! Тој наведува и на кое издание припаѓа и вели дека е верзијата ГПТ-4, објавена во 2023 година. Овие интересни тврдења на кинеската вештачка интелигенција, како што обично се случува, брзо се проширија на социјалните мрежи, а на неа беа посветени голем број објави на платформите Икс и Редит. Авторите на ДипСик не објавија информации за тренирањето на нивниот модел со вештачка интелигенција. Како одговор на прашањето како и зошто се случува тоа, се наведува дека двата модела – и ЧетГПТ и ДипСик – се статични системи што учат од милијарди примери и обрасци за да го предвидат текстот што ќе го генерираат. За ова, тие одат до такви детали како одредување каде да се стави запирка во реченицата. Исто така, има огромен број јавно достапни сетови на текстуални податоци на интернет создадени од ЧетГПТ, така што е сосема можно ДипСик да ги користел истите тие збирки на податоци, поради што сега буквално идентично ги репродуцира одговорите на барањето.
– Очигледно е дека моделот добива необработени одговори од ЧетГПТ, но не е јасно од каде точно доаѓаат податоците од други модели, за да се обидеме да го искористиме тоа знаење – објаснува Мајк Кук, експерт за вештачка интелигенција и истражувач на Кралскиот колеџ во Лондон.
Практиката на обука на модел врз база на резултати од конкурентни системи за вештачка интелигенција може да биде „многу лоша“ за квалитетот на тој модел, смета тој, бидејќи може да доведе до „халуцинации и погрешни одговори“ како оние што ги дава ДипСик.
– Тоа е како фотокопија (која е побледа од оригиналот). Сѐ повеќе губите информации и врска со реалноста – додава Кук.
