Обожавателите на хит-серијата на HBO „Сексот и градот“ беа шокирани кога една девојка од Чикаго ја пронашла иконската венчаница на Вера Ванг што ја носеше Кери Бредшо во продавницата „Гудвил“. Фустанот чинел само 18,99 долари.
Ешли Кеино, продавачка во Пошмарк, пазарела во продавница за евтини производи кога го пронашла фустанот што го носи ликот на Сара Џесика Паркер во првиот филм од франшизата, базиран на ТВ-серијата што беше хит. Фустанот од 2008 година има бело елече без прерамки со слоеви на мека ткаенина слична на пердуви, која на слоеви се протега до подот.
– Вера, проклетата Ванг. Не ми се верува дека го најдов овој фустан во „Гудвил“ за 18,99 долари – изјавила Ешли.
Во филмот, Бредшо носеше дизајнерско парче за фотосесија за магазинот „Вог“, кое требаше да биде поврзано со приказна за тоа дека таа е 40-годишна невеста. Обожаватели на „Сексот и градот“ сега молат да го купат фустанот, бидејќи претпоставуваат дека може да се продаде за илјадници долари.
