Понекогаш, за да го насочите буџетот во вистински правец, треба да изградите нови навики. Многу потрошувачи се соочиле со предизвици ставајќи се на тест за да видат дали можат да поминат еден ден, недела или месец без да трошат пари. Други отишле чекор понатаму и усвоиле година „без купување“ за да ги намалат непотребните трошоци и да се фокусираат на она што е важно. Што треба да знаете за трндот „Не купувај во 2025“ и како да го вклучите во вашиот живот.
Тоа е тренд во личните финансии во кој поединците се обврзуваат да избегнуваат небитни (исто така кажано дискрециони) купувања за одреден период оваа година, кој може да се движи од неколку недели до цела година. Еден пример за овој тренд во пракса е „Без купување во јули“, каде што учесниците се предизвикуваат себеси да избегнат трошење пари во текот на целиот месец.
– Еден месец, паузирате со сите небитни трошоци – замислете: храна за носење, импулсивни купувања на „Амазон“, нова облека – и се фокусирате само на она што навистина ви треба“. Таа објасни дека тоа е предизвик што им помага на луѓето да ги ресетираат своите навики за трошење, да добијат јасност за своите финансиски приоритети и да ги зголемат своите заштеди без да мора да прават огромни жртви – велат иницијаторите на трендот.
Но некои луѓе одат чекор понатаму и го усвојуваат трендот за целата 2025 година. На пример, групата на Редит посветена на предизвикот „без купување“ се гордее со повеќе од 70.000 члена, каде што се споделуваат лични искуства и совети. Многу од оние што го прифаќаат предизвикот почнуваат со креирање список на правила за себе што се во согласност со нивниот начин на живот. Ова може да вклучува строги правила како што се „никаква нова облека“ или „никаква нова технологија“, како и правила што ја ограничуваат фреквенцијата на одредени купувања, како што се „да за храна за носење еднаш месечно“ или „да за еден преглед за нокти на секои две недели“.
Други објавија на интернет дека имаат година со „ниски купувања“, што значи дека го ограничуваат бројот на купувања што ги прават, наместо целосно да ги намалат небитните трошоци.
Крајната цел е – трошете помалку и заштедете повеќе за да постигнете поголеми финансиски цели, од отплата на долг до купување дом.
