Организаторите ги покануваат љубителите на виното на четиридневниот настан под покровителство на Град Скопје, енолошкиот саем – Skopje „Wine Expo 2018!“
Загрејте ги есенските ноќи со некое од најдобрите вина од регионот. Достапни ќе бидат сите видови на вино – црвено, розе, бело; вина со полно тело, лесни вина, или пак, деликатни мешавини. Ниедно вино не е комплетно без добра закуска. Притоа различна храна, специјалитети и деликатеси кои совршено ќе го комплементираат вашиот избор на вино, ќе ги задоволат вашите сетила за вкус.
На настанот се добредојдени сите љубители на вино, а влезот е бесплатен. Саемот ќе се одржи на Плоштад Македонија на 1.200 квадратни метри покриена површина за гостите и отворено небо пред сцената на која ќе ве забавуваат локални и светски познати ѕвезди.
Повелете и уживајте во музиката на најлегендарниот македонски шоумен Игор Џамбазов, кралицата на македонската рок сцена Дани Димитровска, талентираната поп-рок пејачка Кристина Арнаудова, регионално познатите бендови Фрајле и Ла Банда, и главната ѕвезда на настанот, глобалниот маестро Дуке Бојаџиев.
Она што го прави овој настан вистински саем на вино е присуството на најдобрите енолози од регионот кои ќе бидат достапни за да одговорат на сите ваши прашања во врска со виното, начинот на производство и зреење и останати трикови зад сцените на производниот процес.
Квалитетно вино, вкусни закуски и добра музика.
Се гледаме од 24 – 27 октомври од 20 ч. – 1 ч. на Плоштад Македонија!
