Нега и убавина
Иако заштитата од сонце е неопходна, прекумерната употреба на крем за сончање може да предизвика негативни реакции. Според истражувањето објавено на порталот „Лајфстајл Ејжа“, некои состојки во кремовите за сончање можат да ги затнат порите и да предизвикаат иритација, особено кај чувствителната кожа. Експертите препорачуваат користење кремови со заштитен фактор 30 или повеќе, но во умерени количества. Важно е да изберете производ што одговара на вашиот тип кожа и не содржи иритирачки состојки. Кремот треба да се нанесува секојдневно, дури и во облачни денови, но без претерување.
Исто така честото миење на лицето ја нарушува природната рамнотежа. Дерматолозите предупредуваат дека пречестото миење може да ја наруши природната заштитна бариера на кожата. Оптималната ПХ-вредност на кожата е 5,5, а агресивното чистење може да ја наруши оваа рамнотежа. Се препорачува миење на лицето најмногу двапати на ден – наутро и навечер. Важно е да користите благи производи за чистење што нема да ја исушат кожата или да ја нарушат нејзината природна рамнотежа. При силно потење или по спортски активности, дозволено е дополнително трето миење.
