Многу луѓе сакаат да шетаат низ светот и да патуваат слободно, но тоа не е толку лесно, имајќи ги предвид големиот број трошоци. Едно истражување покажало колкави всушност би биле тие цифри. Ако се подготвувате за нешто такво, ова е добар ориентир.
Истражувањетo покажало дека Американците не се подготвени да се откажат од животот за каква било сума на пари. Третина од испитаниците (32 проценти) изјавиле дека ќе им треба повеќе од 500.000 долари (околу 462.500 евра) за да го стават патувањето на прво место. Просечниот Американец би напуштил сè и би патувал низ светот доколку има 287.731 долар (околу 269.850 евра) во банка, покажало ново истражување спроведено кај две илјади луѓе. Целта на истражувањето била да се утврди колкава сума на пари смета просечната личност за неопходна за да го напушти работното место и да ги оствари своите соништа за патување.
Сепак, секој шести испитаник (18 отсто) рекол дека би тргнал на патување за помалку од 50.000 долари (околу 46.250 евра), додека сличен број (17 отсто) рекле дека немаат пари што би ги натерале да патуваат низ светот. Не е изненадувачки што сумата што е потребна за да се остави сè и да се патува се зголемува со годините. Генерацијата зед рекла дека ќе ѝ требаат 211.000 долари (околу 196.100 евра), додека бебибумерите би го направиле тоа само со износ поголем од 335.000 долари (околу 311.000 евра).
Кога испитаниците биле прашани како би потрошиле патен буџет од милион долари (околу 925.000 евра), тие главно спомнувале великодушност. Најголем број испитаници рекле дека прво би ги повеле семејството и пријателите на летен одмор. Вториот најпопуларен одговор бил истражување историски места и светски чуда, како што се египетските пирамиди, Колосеумот и Таџ Махал. Речиси четвртина од испитаниците (24 проценти) изјавиле дека би тргнале на „патување“ во САД или некоја друга популарна земја, додека другите сонуваат да ги остварат ставките од својата листа за патувања, како што е сафари во Африка или нуркање на Големиот корален гребен.
Исто така, многумина би уживале во луксузен сместувачки капацитет или одморалишта, додека 18 проценти рекле дека би се посветиле на долго патување, поминувајќи месеци на секоја дестинација за да го искусат секое место на вистински начин. Четири проценти од испитаниците рекле дека, ако им се даде еден милион долари (околу 925.000 евра) за патување, би ги вратиле парите затоа што не се заинтересирани за патувања.
