Властите во Амстердам ќе изградат специјални скали на често високите и лизгави ѕидови на градските канали за да им овозможат на мачките да избегаат откако ќе паднат во водата. Градскиот совет даде зелено светло за новата мерка. Изградбата на столб за мачки, или „Kattentrapjes“, ја предложи градската советничка Џудит Кром од Партијата за животни. Таа нагласи дека каналите во Амстердам станале смртоносна стапица за мачките, при што 19 животни се удавиле во нив само во последните шест месеци.
Мачките можат да пливаат и да останат на вода доста долго време, но во одреден момент мора да се вратат на суво за да избегнат давење. Службата за спасување животни во Амстердам сега ќе помогне во пронаоѓањето канали што се особено опасни за мачките пред да започнат градежните работи.
