Чудото на природата се наоѓа во руската република Карачаево-Черкесија, а таму можете да стигнете преку ќор-сокак на коњ или со теренско возило.
Руската република Карачаево-Черкесија се смета за живописна земја на планини и реки во северен Кавказ. Една од нејзините атракции, прекрасниот камен лавиринт, за кој засега малку се знае, се наоѓа на непристапен карпест терен по горниот тек на реката Худес. Тоа е место на голем број верувања и легенди, кои се испреплетуваат со реалноста, и се чини дека е создадено за романтични езотеричари.
Меѓутоа, кога станува збор за потеклото на лавиринтот научниците се сигурни дека нема простор за мистерија или човечка активност. Тоа се само последици од природните процеси, поради кои во седиментните карпи се формирале премини од еден сантиметар до неколку метри во ширина. Низ некои од пукнатините во карпите тешко можете да се провлечете, додека низ други лесно се поминува. Интересно е што висината на ѕидовите се одредува според нивото на земјата, а горната површина на лавиринтот Худес е изненадувачки рамна, како да е специјално израмнета. На површината има вдлабнатини како садови, исполнети со вода што можат да ја згаснат жедта на скитникот фатен во мистичното заробеништво на лавиринтот, за што сведочат оние што пиеле вода од каменот. Денес, лавиринтот продолжува да се менува под влијание на надворешните фактори (ветер, вода, дневни температурни промени, тектонски сили итн.). Со своите мистични контури, природното чудо во Кавказ потсетува на Стоунхенџ во Велика Британија.
Постојат два начина да се движите низ лавиринтот, низ тунелите и прескокнувајќи ги пукнатините. Од врвот на лавиринтот се протега панорамски поглед на највисокиот врв на Русија и Европа – величествениот двоглав Елбрус со надморска височина од 5.642 метри. Видливи се и врвовите на планините на Големиот Кавказ. Туристите велат дека ова место има посебна атмосфера на мир и единство со природата. Некои посетители сведочат дека тука повторно проработеле нивните скршени камери. А батериите на телефоните и фотоапаратите почнувале да се полнат.
