Психолозите ја дефинираат мрзливоста како недостиг од волја за вложување напор или енергија за постигнување некаква цел. Мрзливоста е една од општествено најнепосакуваните особини, која во раното детство се припишува на темпераментот, кој е вроден, а подоцна на недостиг од работни навики, кои се стекнуваат. Мрзливоста е состојба на неактивност, што е резултат на неподготвеноста на поединецот да изврши задача и покрај тоа што има способност за тоа. Се јавува периодично и се верува дека претставува ментална состојба, намерен чин или личен избор.
Мрзливоста – последица на надворешни и внатрешни фактори
Причини за мрзливост можат да бидат и стравот од неуспех поради недостиг од самодоверба, како и избегнувањето одговорност.
Од друга страна, расположението е состојба во која лицето се чувствува апатично и немотивирано. Постојат многу причини зошто едно лице може да чувствува лошо расположение, вклучувајќи хормонални промени, недостиг од сон, нездрава исхрана, недостиг од физичка активност и стрес. Јапонците се познати како вреден народ што ги цени работата и дисциплината. Јапонската култура има неколку древни техники што помагаат да се надминат мрзливоста и лошото расположение. Една од нив е методот кајзен, кој се базира на постепено подобрување и усовршување. Овој метод вклучува поставување мали цели и постепено нивно постигнување, што помага да се надмине отпорот и да се зголеми мотивацијата.
Друга јапонска техника подразбира обврската да се започне за кратко време, една или пет минути, во зависност од сложеноста на активноста, секој ден приближно во исто време. Ако, на пример, не можете да се натерате да прошетате, започнете со одлука да одите на петминутна прошетка. Ако веќе сте се облекле за прошетка и сте прошетале пет минути, поголема е веројатноста да продолжите.
Икигаи е јапонски концепт што се однесува на целта на животот или причината за постоењето. Овој концепт вклучува пронаоѓање што ве прави среќни и исполнети, а потоа користење на тоа како водич за вашите одлуки и постапки. На пример, ако сакате да пишувате и имате талент за тоа, вашето икигаи може да биде пишување блогови за теми што ве интересираат.
Шошин е јапонски збор што се однесува на почетен отворен ум
Овој будистички зен-концепт вклучува отвореност, прифаќање и понизност во пристапувањето кон нови искуства и учење. „Ако вашиот ум е празен… тој е отворен за сите можности“. Хара хачи бу е јапонски концепт што се однесува на умереност во јадењето. Овој концепт вклучува јадење додека не бидете 80 проценти сити, доволно за да се чувствувате задоволни, но не и прејадување. Ако се прејадете, веруваат Јапонците, ќе станете мрзливи. Шинрин-јоку е јапонски концепт што се однесува на прошетка во природа, буквално преведен како „капење во шума“. Овој концепт вклучува поминување време во природа за да се опуштите и да се поврзете со природата. На овој начин, нема да имате време за мрзливост и намќорење. Ваби-саби е јапонски концепт што се однесува на прифаќање и наоѓање убавина во несовршеноста и минливоста. Овој концепт вклучува ценење на убавината на нештата што се едноставни, скромни и природни. Како што е работата за која сте платени.
Ганбару е јапонски збор што се однесува на упорност и труд. Овој концепт вклучува трпение и обид и работа напорно, најдобро што можете, за да ги постигнете своите цели.
