Нова студија ги испитуваше хроматската разновидност и интензитетот на живописноста за да ги рангира најживописните, визуелно пријатни места на планетата. Креативното студио „Берлу“ спроведе интересна анализа за тоа колку се всушност шарени 125 од врвните туристички дестинации во светот. Како? Па, со комбинирање слики со висока резолуција направени од улични фотографи користејќи технологија на компјутерска визија и идентификувајќи ги петте најистакнати бои во секоја од нив.
Оттаму, беа произведени 625 палети на бои, а беа оценети хроматската разновидност и интензитетот на живописноста на секое место. Накратко, постои некаква научна основа за оваа анализа. Резултатот е заслепувачки преглед на најшарените места на планетата, врз основа на оние со највисоки вкупни оценки.
Круната на боите ја краде живописното Бурано, остров во Венеција, каде што речиси секоја улица е обоена во сина, црвена, зелена и жолта боја, од ѕидовите и рамките на прозорците до вратите и капаците на зградите.
Ова се најшарените дестинации во светот:
1. Бурано, Италија
2. Шефшауен, Мароко
3. Гватапе, Колумбија
4. Вилемстад, Курасао
5. Хавана, Куба
6. Чинкве Тере, Италија
7. Буенос Аирес (Ла Бока), Аргентина
8. Џодпур, Индија
9. Сан Хуан, Порторико
10. Истанбул (Балат), Турција
