Фото: Пиксабеј

Замислете како вашите заби повторно растат на местото на забите што сте ги извадиле. Ова звучи како заплет на научнофантастичен филм, освен што е реален и се случува во Јапонија. Д-р Кацу Такахаши, орален хирург во болницата „Китано“ во Осака, го води истражувањето за компанијата „Торегем биофарма“. Неговиот тим открил дека луѓето имаат заспани пупки во вилицата, трет сет заби што никогаш не растат.
Со создавање лек со моноклонални антитела TRG035, кои го блокираат овој протеин, јапонските научници го измамија телото и успеаја да направат да растат нови заби– прво кај глувците и стаорците, а сега и кај луѓето. Антителата влијаат на сигналните патишта, дозволувајќи им на ембрионите да се развијат во нови заби. Овој процес не само што би овозможил природна замена на изгубените заби туку би го решил и проблемот со вродените дефекти, како што е анодонција, состојба во која на луѓето природно им недостигаат одредени заби. Регенерацијата на забите може да стане опција и за оние што ги изгубиле забите поради повреда, болест или старост.
Благодарение на ова истражување, потенцијалниот трет сет заби, кои остануваат еволутивно неактивни, би можело да се активираат и да растат. Патувањето на Такахаши започна во 1990-тите на Универзитетот во Кјото, а во 2005 година бил постигнат успех, па на глувците им пораснале дополнителни заби. Испитувањата на луѓе започнаа во 2024 година во Кјото, кога лекот беше тестиран на мажи на кои им недостигаа катници. Оваа година започна експеримент на деца на кои им недостигаа заби. Доколку е успешно, ова решение може засекогаш да ја замени протезата.