Биотехнолошката компанија „Уникјур“ од Амстердам објави дека нејзината експериментална генска терапија AMT-130 успеала значително да го забави напредувањето на Хантингтоновата болест, за која денес не постои лек што може да ја запре или да ја забави туку се достапни само третмани за ублажување на симптомите.
Според резултатите од првата фаза на клиничкото испитување, кај пациентите што примиле висока доза од таа терапија е забележано 75 проценти побавно напредување на болеста во текот на три години следење. Станува збор за потенцијално клучен исчекор кон првата генска терапија за оваа тешка невролошка болест. Таа, според соопштението, општo била добро поднесувана, со контролирани несакани ефекти.
Комплетните резултати од истражувањето уште не се објавени во рецензирано списание, но најавено е поднесување на податоците до американската Администрација за храна и лекови во почетокот на 2026 година. Ако терапијата добие одобрување, би можела да пристигне на пазарот веќе кон крајот на следната година.
