Видеотека
По освоениот „златен лав“ на годинашниот филмски фестивал во Венеција за неговиот најнов филм „Соседна соба“, правиме пресек низ режисерскиот опус на еден од најпродуктивните режисери во последните неколку декади. Следуваат десетте најдобри филма на Педро Алмодовар според угледниот британски таблоид „Гардијан“.
10. Скршени прегратки (2009)
Во овој филмски омаж се испреплетуваат две временски линии. Слеп режисер се потсетува на својата романса со својата водечка женска актерка, со визуелен занес. Главната улога ја толкува Пенелопе Круз, која плени со својата раскошност.
9. Волвер (2006)
Пенеполе Круз е повторно во центарот на оваа комедија-драма за две сестри со многу комплицирани семејни тајни, од кои некои се откриени од духот на нивната мајка, која игра во нејзиниот прв филм за Алмодовар по цели 18 години. Со заплети во сите правци, дејството на „Волвер“ е како да се заплетувате од епизода во епизода на долготрајна сапунска опера. Женската солидарност и вкусната шпанска кујна го прават овој филмски излет многу пријатно доживување.
8. Сè за мојата мајка (1999)
Ѕвездената постава на омилените актери на Алмодовар (Круз, Рот, Мариса Паредес), која работи со полн гас, го прави овој вид бујна мелодрама,ставајќи ги жените во центарот на вниманието. Ужалена жена станува сурогат мајка на актер, зависник, бремена калуѓерка и сексуална работничка што се облекува. Има толку многу ликови и подулоги што на почетокот е тешко да кликне, но дејството се загрева полека но сигурно. Во овој филм доаѓа до израз генијалната визуелна способност на Алмодовар.
7. Жени на работ на нервен слом (1988)
Успехот на оваа драма го издигна Алмодовар во култна уметничка фигура и нов миленик на светската филмска публика. Маура глуми како Пепа, чекајќи го својот поранешен љубовник да си го земе куферот од нивниот пентхаус во Мадрид. Несакани посетители и неговата одмаздољубива поранешна сопруга го подигаат темпото на оваа драма. Визуелните инстинкти на режисерот покажуваат дека, понекогаш, додатоците координирани во боја може да бидат валиден естетски избор.
6. Цветот на мојата тајна (1995)
Паредес глуми писателка што страда од средовечна криза. Нејзиниот брак се распаѓа, таа бара спас во алкохолот и е уморна од евтини романси. Алмодовар повторно се осврнува на својата повеќегодишна тема за мажите што се однесуваат лошо и жените што се борат да се справат со тоа, но има знаци дека влегува во нова, посигурна фаза од неговата кариера. Алберто Иглесијас во овој филм прикажува прекрасна партитура.
5. Разговарај со неа (2002)
Дискурзивен портрет на пријателство помеѓу двајца мажи и жени во коматозна состојба. Танчарка и матадор. Визуелните моменти вклучуваат вињети во стил на нем филм за минијатурен човек што бара засолниште во вагината на својата љубовница. Воодушевувачки, емоционално комплексен и бескрајно вознемирувачки во неговиот симпатичен приказ, овој филм без сомнеж е еден од најзрелите филмови во поновото време на Алмодовар.
4. Кожата во која живеам (2011)
Бандерас глуми пластичен хирург, кој држи млада жена заробена во својата луксузна вила. Експозитивните флешбекови го водат гледачот низ лавиринтско предиво од силување, одмазда, желба, мртви тела и прекрасен декор. Во овој филм се присутни сите омилени теми на Алмодовар, но прераспоредени во манир на неохорор филм.
3. Живо месо (1997)
Алмодовар го претвора студениот психотрилер на Рут Рендел во страсна „Алмодрама“ (термин измислен од Гиљермо Кабрера Инфанте) за пет луѓе што бараат љубов под жешкото мадридско сонце. Залутан куршум за време на заложничка ситуација ги поврзува судбините на еден италијански зависник и еден пар неусогласени полицајци, едниот од нив го игра Хавиер Бардем. Приказната е срдечно и дарежливо настроена, дури и кон сторителите на гревови толку грозоморни како демнење и насилство врз жена.
2. Џулиета (2016)
Три приказни од Алис Манро ја формираат основата на оваа приказна за односот помеѓу мајката и нејзината отуѓена ќерка, со спомени испреплетени помеѓу минатото и сегашноста. Тоа е драма со возбудлив тек, придвижуван од некои инспирирани трикови за правење филмови како што знаат само големите мајстори на филмското платно. Меѓу нив е сигурно и Алмодовар, кој го украсува филмскиот декор со дело на Климт, како и со спектакуларните галициски пејзажи.
1. Болка и слава (2019)
Повеќето од филмовите на Алмодовар вклучуваат детали од неговиот живот и кариера. Ова дело се чини дека е поавтобиографско од повеќето, но за чудо го избегнува самонабљудувањето, кое е толку присутно кај Алмодовар. Бандерас (чија изведба освои мноштво награди, вклучувајќи ја и наградата за најдобар актер во Кан) глуми филмски режисер со исцрпувачки здравствени проблеми и креативен блок. Средбата со стар пријател предизвикува колаж од спомени. Детство, еротско будење, Мадрид 1980-тите, дрога. Тоа е мастеркласа од беспрекорно линеарно снимање филмови од режисер што измина долг, долг пат.
