Генетскиот инженеринг е дел од науката што е особено импресивен и остава простор за имагинација за одамна поминати времиња што би можеле да се оживеат. Така, неодамна беа претставени два бели волка, по име Ромул и Рем, генетски изменети за да имаат особини и карактеристики што потсетуваат на нивните одамна исчезнати роднини. Имено, биотехнолошката компанија „Колосал биосајенс“ објави дека го „оживеала“ страшниот волк, голем месојад што некогаш талкал во Северна Америка пред да исчезне пред околу 10.000 години.
– За првпат во историјата на човештвото „Колосал“ успешно обнови некогашен изумрен вид преку науката и неговите достигнувања – велат од компанијата.
Храброто тврдење веднаш наиде на скептицизам и гнев од научниците на социјалните мрежи. Додека некои тврдат дека науката не го вратила волкот во живот, компанијата сепак има намера да направи изумрени видови како мамутот, додото и тасманскиот тигар повторно да шетаат на нашата планета. Три волк-кученца се родени пред неколку месеци. Со нивното снежнобело крзно и големи тела овие животни потсетуваат на страшниот волк. Клетките биле користени за создавање ембриони, кои биле вградени во куче сурогат мајка.
Критичарите истакнаа дека од илјадниците генетски разлики што ги разликуваат страшните волци од сивите волци, компанијата направила само неколку промени насочени кон рекапитулирање на очигледните физички особини како што се бојата и текстурата на крзното. Компанијата претходно користеше слична стратегија за создавање на волнениот глушец – глодар генетски модифициран за да има густо крзно слично на мамут.
