Финансиската стабилност може да има голема предност во однос на финансискиот раст, факт што очигледно го знаат светските централни банки, бидејќи продолжуваат да купуваат злато на рекордно ниво. Зошто златото е „безбедно засолниште“ и какви се можностите за тргување со неговите цени?
Во периоди на геополитички тензии, оние што се занимаваат со тргување знаат да ги искористат промените на пазарите за да постигнат цели и приходи, но и да го заштитат својот капитал преку инвестиции, кои поради својата природа даваат еден вид сигурност. Поради универзалната вредност на златото, која опстојува во текот на историјата на употребата на овој метал, тоа се смета за таканаречено безбедно засолниште меѓу суровините, а речиси сите – од трговците на мало до глобалните институции – се свртуваат кон него за време на криза.
Цените на златото пораснаа во изминатиот период, благодарение на зголемената побарувачка во екот на политичките конфликти и економските предизвици и достигнаа рекордни високи очекувања. Сепак, експертите веруваат дека овој раст ќе продолжи и понатаму. Водечките аналитичари, како што е Акаш Доши од њујоршката корпорација „Ситигруп“, ја пласира просечната цена на златото близу или дури и над 3.000 долари за унца во следните од шест до 18 месеци, како што соопшти „Блумберг“.
Ако им се верува на овие предвидувања, златото во наредниот период ќе нуди повеќе од само обезбедување на капиталната вредност. Следејќи го движењето на пазарот, трговците најчесто остваруваат профит токму знаејќи како да ги искористат промените на цените што ги гледаме и што допрва треба да се очекуваат. Важна е едукацијата за тоа како се тргува со злато, како се инвестира во овој благороден метал и како тој функционира на финансискиот пазар. Она што дополнително ја зголемува атрактивноста на златото и ги поддржува прогнозите на експертите дека и покрај потенцијалните краткорочни падови неговата цена ќе продолжи да расте – е тоа што се очекува намалување на каматните стапки во Соединетите Американски Држави, а има индиции дека истото тоа може да се случи во средината на 2024 година и од страна на Европската централна банка.
