Најдобрите научнофантастични филмови од поновата продукција
Секоја година се појавуваат многу достигнувања што му припаѓаат на жанрот научна фантастика. Но има такви што, благодарение на нивниот квалитет, се истакнуваат. Следните осум филма ќе ве одведат во мистериозниот универзум и далечната неизвесна иднина.
„Пристигнување“ (2016)
Режисер на филмот е Дени Вилнев, главната улога ѝ припаѓа на одличната Ејми Адамс, додека како важни споредни ликови глумат Џереми Ренер и Форест Витакер. Кога 12 вонземски летала ќе слетаат на различни локации, се појавува желбата за комуникација со нив. Затоа пристигнува лингвист, кој ќе се обиде да ја открие мистеријата на нивното пристигнување, комуницирајќи со две необични суштества.
„Истребувач 2049“ (2017)
Интересно е што ова достигнување, како и гореспоменатото, го потпишува Дени Вилнев. Покрај неизбежниот Харисон Форд, кој беше централна фигура во првиот филм од 1982 година, се појавуваат и Рајан Гослинг, Џеред Лето и Ана де Армас. Откритието дека биоинженерските луѓе, односно репликантите, може да се репродуцираат ќе ги охрабри истражителите да го бараат поранешниот истребувач Рик Декард.
„Живот меѓу ѕвездите“ (2018)
Овој научнофантастичен хорор го режира Клер Дени, додека главните улоги ги добија Роберт Патинсон и Жилиет Бинош. Група криминалци на кои им е пресудена смртна казна се испратени на пат во вселената до црна дупка. Докторката Дибс ги надгледува и контролира непресметливите патници, додека односите и ситуациите стануваат комплицирани.
„Анихилација“ (2018)
Сценарист и режисер на овој филм е Алекс Гарланд. А првенствено женската актерска екипа е предводена од Натали Портман, додека покрај неа се појавуваат Џенифер Џејсон Ли, Теса Томсон, Џина Родригез и Оскар Ајзак. Жена што се занимава со биологијата на клетките започнува со својата мисија, за да открие што се случило со нејзиниот сопруг.
„Кон ѕвездите“ (2019)
на филмот е Џејмс Греј, а Бред Пит ја има главната улога. Тој е астронаут, кој оди во мисија низ вселената, за да се обиде да го најде својот долго изгубен татко. Патем, насловот на филмот потекнува од латинската изрека per aspera ad astra, што значи преку трње до ѕвездите.
„Алита: борбениот ангел“ (2019)
Роберт Родригез, режисерот на филмот, ја одреди Роса Салазар за ликот на Алита. Филмот во голема мера е сајберпанк-акција, и се базира на истоимената јапонска манга. Во постапокалиптичниот свет, еден научник на отпад од роботи ќе најде интересен примерок и ќе го нарече Алита. Наскоро ќе се открие дека таа е сè друго освен обична.
„Спутник“ (2020)
Главна хероина на рускиот научнофантастичен хорор „Спутник“ е младата докторка Татјана Климова, која е поканета да испита астронаут што преживеал мистериозен инцидент во вселената и се вратил на Земјата со вонземски паразит во телото. Режисер на филмот е Игор Абраменко, а главната улога ја има актерката Оксана Акиншина.
„Полноќно небо“ (2020)
Ова е уште едно режисерско достигнување на актерот Џорџ Клуни. Тој е исто така еден од ликовите, како и надежната актерка Фелисити Џонс. Откако нуклеарната војна ќе ја уништи Земјата, научник што живее на Северниот Пол се обидува да предупреди и спаси тим што се изгубил во вселенска мисија.
