Илјадници навивачи на мексиканскиот национален фудбалски тим, славеа бурно низ улиците на мексиканските градови. А, пак, мексиканското тло буквално се затресе, кога напаѓачот Ирвинг Лозано го даде единствениот гол во натпреварот против Германија во 35. минута, јавуваат сеизмолозите.
Имено, токму тогаш тие регистрирале „вештачки земјотрес”, предизвикан од радосните скокови на Мексиканците, кои присуствувале на заедничкото следење на натпреварот на централниот плоштад Сокало во главниот град Мексико Сити. При тој колективен скок, сензорите за земјотрес се активирале.
По победата против Германија, до утринските часови се славеше и во градовите Гвадалахара, Толука, Тихуана, Сиудад Хуарез и други.
Confirmado: México compite y gana frente a los mejores del mundo. ¡Muchas Felicidades a @miseleccionmx! ¡Gran partido!????⚽
— Enrique Peña Nieto (@EPN) June 17, 2018
– Веќе е стварност – Мексико извојува победа против најдобрите во светот. Извонреден натпревар! Поздрави!, напиша претседателот на Мексико, Енрике Пења Нието на Твитер.
