Шпанските режисери обично бегаат од типичното холивудско клише и разработуваат
интересни сценарија, со комплексни ликови, одглумени од талентирани актери
Шпанските филмови стануваат сѐ попримамливи и интригантни за публиката. Рејтингот полека им расте, а шпанската кинематографија е една од најквалитетните филмски продукции во светски рамки. Шпанските режисери обично бегаат од типичното холивудско клише и разработуваат интересни сценарија, со комплексни ликови, одглумени од талентирани актери. Исто така се проценува дека европскиот хумор во филмовите е многу попрефинет од американскиот и многу суптилно се провира низ дијалозите.
„Палми во снегот“
Овој филм е дело на режисерот на филмот „Три метри над небото“, но станува збор за многу посериозно остарување, кое се занимава со прашањето на социјалните структури и ги отсликува комплицираните односи меѓу Шпанија и нејзината тогашна колонија Шпанска Гвинеја. Временски филмот е опфатен од два правци, во минатото во средината на дваесеттиот век, во времето на колонизацијата и сегашноста, каде што приказната ги следи нивните потомци. Од пејзажите, дијалогот и комплексната историска приказна, ова е филм за време на кој нема да погледнете на часовникот ниту еднаш.
„Лудата Хуана“
Ова е филм базиран на животот на Хуана Прва од Кастилја. Таа е ќерка на Изабела од Кастилја, која му ги даде бродовите на Колумбо, чија експедиција беше да ја открие Америка. Таа е мажена за Филип Лепо и тука имате можност да откриете што е потребно за цела историја да ве запамти како „луд“. Нејзиното лудило доаѓа од нејзината љубов кон Филип, поради што Американците го преведоа насловот на овој филм во „Луда љубов“. Погледнете како љубовта се спојува со лудилото во средновековниот двор во овој феноменален филм.
„Ај, Кармела“
За време на Шпанската граѓанска војна е создадена борбена песна за републиканската армија, во која битките против фашистите се пеат под ова име, и оттогаш таа е симбол на борбата за слобода. Во овој филм, тие ѝ даваат лик и приказна на Кармела, каде што таа и двајца пријатели ги забавуваат републиканските трупи за време на Шпанската граѓанска војна. Уморни од фронтот, тие бегаат во Валенсија, но националистите ги фаќаат, а Кармела се бори за она што навистина е, а тоа е слободна жена.
„Фрида“
Веројатно сите сме ја виделе во еден момент, но доаѓа време кога треба да ја погледнеме повторно, порасната и созреана, за навистина да ја разбереме. Селма Хајек мајсторски го наслика бурниот живот на Фрида Кало, нејзината љубов кон Диего Ривера, кон сликањето и најважното, за некои жени, кон себе. Таа се сакаше себеси исто како и Диего и само поради тоа, дури и по страшната трагедија што ја снајде, таа продолжи да живее. Нејзините цвеќиња и вештини ги инспирираат сите, но нејзините ставови можеме да ги разбереме само кога животот ќе нè научи на некои работи.
„Труман“
Еден од најпознатите аргентински актери, Рикардо Алберто Давид ја игра главната улога во овој филм. Ова е драма каде што Шпанците навистина умешно знаат да го вплетат софистицираниот хумор низ ситуации што се сѐ, само не смешни. Хулијан го посетува својот добар пријател, професор што живее во Канада, заедно со неговиот придружник, кучето Труман. Ова не е филм што ја користи љубовта на човекот кон кучето за да побуди евтина сентименталност, ова е многу подлабок филм.
