Нутриционистите сметаат дека денот може да се почне со кашест сок на база на овошје и семки, кои содржат Б17, алаетрин, кој има антиканцерогено дејство, а секако и антивирусно.
– Добро е кашестиот сок да го засилиме барем три со живи јајца од препелица, а за да го зголемиме имунитетот, се става зелен прат од спирулина, хлорена или зелена пченица, кои може да се најдат во продавниците за здрава храна. Омега 3 рибиното масло ни е во дефицит и треба наутро да пиеме по една супена лажица – вели Цвета Динева, сертифицирана нутриционистка консултантка.
Исто така, за време на пандемијата голема е потребата од витамин Д3 и за пробиотик, а витаминот Д3 треба да се зема во вид на капки или таблети, во зависност од возраста и од здравствена состојба.
– Препорачувам четири илјади единици на ден. Пробиотикот е задолжителен за секого, бидејќи од нашите црева тргнува нашиот имунитет. Пробиотиците го зголемуваат нивото на добрите бактерии во цревата, а тука, во дебелото црево, со помош на тие добри бактерии се произведуваат ензими, минерали, витамини, меѓу кои Б12 и К – вели Динева.
Таа додава дека наутро треба да доминираат свежото овошје, јаткастото и сувото овошје, потребно е да се испие 1,5 литар вода до 12 или 13 часот. Понекогаш може да се испие и чај или некој цеден сок и барем четири чаши чиста вода. Може да се користат и коралчиња во ќесички за алкализација на водата од чешма и добро е ако од вечер во два литри вода ставена во бокал со филтер се додаде парче ѓумбир, парче лимон, неколку каранфилчиња, листови од свежо нане, за да се добие вода со електролити, алкализирана вода.
Динева акцентира дека во сите салати секој ден треба да има кромид, праз или лукче, бидејќи тие се природни антибиотици.
– За ручек, свежа салата од рендана зелка, рендан морков, цвекло, трупка, свежа рукола, мешани зелени салати. Маслинките треба да бидат речиси задолжителни и маслиновото масло. За ручек не треба да ги заборавиме мешунките, како грав, грашок, леќа, боранија, но тука е и наутот, кој луѓето треба да почнат да го користат. Тој е најбогат со растителни протеини, аминокиселини има речиси од сите осум што му се потребни на нашето тело. Покрај мешунките е и интегралниот ориз. Во готвените јадења од мешунки треба да ставаме по една супена лажица хелда и просо. Хелдата има најголема енергија, а многу земји ја користат како главна житарка. Просото, пак, е феномен на природата – псевдожитарка, на термичка обработка од 40 степени го задржува алкалниот пХ-фактор – објаснува Динева.
Препорака за мени
Појадок: свежо цеден сок од цитруси, по што следува мешавина од житарки со суво овошје, јатки и зрна растворени во обезмастено млеко, јогурт или кефир.
Претпладневна ужинка: сендвич (две парчиња леб, 52 грама) со крем-сирење и зеленчук (ротквичка, краставица, зелена салата) и чаша обезмастен јогурт или кефир.
Ручек: зеленчукова супа (карфиол, прокељ, морков) со тава ориз и пилешко месо без кожа, со зелена салата.
Попладневна ужинка: сезонско овошје до 300 грама и јатки до 35 грама.
Вечера: сендвич (две парчиња леб, 52 грама) со ајвар, 50 грама кравјо сирење (по можност младо), и чаша обезмастен јогурт или кефир.
