Убавите божиќни украси во домовите спречува семејни конфликти, поради тоа што предизвикуваат добро расположение, тврди американски психолог за весникот „Дејли меил”.
Комбинацијата на бои за божиќна декорација го подига духот. Од античките времиња овие бои создавале чувство на удобност и ја зголемуваат нашата способност да уживаме и да се релаксираме.
Мекото и топло осветлување ги подобрува расположението и креативноста, а го подобрува и апетитот.
– Ние сме склони да мислиме дека сме различни од животните, но всушност сетилата често ги одредуваат нашите реакциите. Во саваната, каде се развил нашиот сензорен систем, топлата светлина обично значи запален оган на крајот на денот, а тоа е поврзано со готвење и други пријатни искуства – вели д-р Сали Огустин.
Позитивните асоцијации, исто така, предизвикува црвената боја. Таа го подобрува расположението и луѓето стануваат позборлести. Домашната атмосфера, меките ткаенини и познатите мириси придонесуваат за мирот во семејството, дури и при големи роднински собири, бидејќи ни навестуваат нови искуства.
Стресот се намалува и кога просторот не е пренатрупан. Ако декорација е премногу сложена, за луѓето може да е непријатна, бидејќи биолошки сме склони на претпазливост во околината. Ако околу нас има премногу работи, треба да процесираме многу информации пред да се смириме, кога ќе увидиме дека сме безбедни.
Студената или сина светлина, од друга страна, напрегнува, што помага за исполнувањето на задачите, но не помага за разбирање на материјалот кој утврдуваме.
