Кремовите за сончање обично се користат во жешките летни месеци за да нѐ заштитат од силните сончеви зраци. Дерматолозите наведуваат неколку најчести грешки што ги прават луѓето со кремовите за сончање, а кои треба да се избегнуваат.
Не нанесувате доволно крем – Густафсон истакнува дека доволното количество крем за сончање е приближно исто со топката за голф. Таквото количество е доволно за целото тело. Но истражувањата покажуваат дека повеќето луѓе користат само 25-50 проценти од тоа количество.
Користите лосион што предолго се наоѓал во вашата чанта – Пред да нанесете лосион или крем за сончање, проверете го датумот на траење. Кремовите со истечен рок на траење нема соодветно да ве заштитат бидејќи хемикалиите што ги содржат се разградуваат по некое време. Кремот за сончањето е ефикасен околу три години доколку се чува правилно.
Користите спреј за сончање – Иако се чини попрактично, спрејот можеби не е најдобрата опција. Експертите за безбедност од извештаите на потрошувачите се загрижени за можните несакани ефекти по вдишување честички од спрејот, особено кај децата. Тие советуваат прво да го испрскате спрејот на вашата рака, а потоа да го втриете на телото.
Прескокнувате одредени места – Не е доволно да се нанесува кремот само на рацете, нозете, градите и грбот. Густафсон наведува дека кремот треба да се нанесува и на ушите, скалпот, усните и стапалата за да се намали ризикот од развој на рак на кожата. Може да користите и мелем за усни со заштитен фактор, а треба да го нанесувате на секои 90 минути до два часа.
Кремот го нанесувате по влегувањето во базен/море – Подобро би било кремот да го нанесете додека сѐ уште сте дома, бидејќи на тој начин кожата ќе има доволно време да го апсорбира. Ова е клучно за кремот да ве заштити од ултравиолетовото зрачење.
