Изедначување на тенот со природна маска
Оваа маска се прави брзо и лесно, а доколку се користи редовно, може да го изедначи тенот. Витаминот Ц е моќен антиоксиданс и има корисен ефект врз кожата на лицето, поради што можете да го видите во многу козметички производи против стареење. Користењето на витаминот Ц во служба на убавината може да ги намали знаците на стареење, да го намали ризикот од појава на црни и старечки дамки, да ја обнови кожата на лицето по сончањето и да го намали појавувањето на акните.
Како да се користи витаминот Ц за нега на кожата на лицето на природен начин? Едноставно е – направете органски прав од кора од портокал и маска што содржи витамин Ц. Излупете портокали од органско потекло и исушете ја кората на сонце. По два дена, мелете ја исушената кора од портокал и направете прашок од неа. Со добиениот прав направете маска со следните состојки: 1 лажичка портокал во прав, 1 лажичка мед, 1 лажичка јогурт или урда, прстофат куркума и малку вода. Добро измешајте ги сите состојки и комбинирајте ги, па нанесете ги на лицето и држете ги околу 15 минути. Потоа измијте го лицето со ладна вода.
